Vjollca Haxhiu duet me Medën

Pas dy dueteve të realizuara me Sabri Fejzullahun që u pritën mjaft mirë nga publiku, këngëtarja Vjollca Haxhiu ka pranuar edhe ofertën nga Meda për të realizuar një këngë të përbashkët, e cila shtjellon një temë dashurie. “Duetet tani janë shumë në trend, andaj po vazhdoj t’i realizoj. Duetet me Sabriun ‘Ilaçi im’ dhe ‘Ku je me kënd je’ kanë qenë një bashkëpunim që mua më kanë dhënë shumë vullnet dhe optimizëm për punë. Andaj kjo ka reflektuar edhe te publiku”. “Prandaj me mjaft dëshirë e pranova ofertën e Medës për të realizuar një këngë bashkë, të cilën do ta lansojmë shumë shpejt dhe kam përshtypjen se edhe kjo këngë sikurse duetet paraprake do të pëlqehen në publik”, ka thënë Vjollca për Zëri.